Módulo Jean Monnet: Curso “A obtención e intercambio de información entre Estados membros da UE con finalidade antielusiva”

Presentación e obxectivos

O Módulo “Jean Monnet” ten como obxectivo fundamental difundir os instrumentos normativos cos que a Unión Europea afronta a nova realidade da dixitalización das actividades económicas e da globalización tanto en persoas físicas como xurídicas.

Información

A actividade formativa está dirixida non só a estudantes universitarios ou alumnos de Doutoramento cuxas titulacións aborden temas específicos da Unión Europea (Dereito, Dirección e Xestión Pública, Ciencias Políticas e da Administración, Ciencias Económicas, etc.), senón tamén a funcionarios públicos e a profesionais cuxa actividade estea directa ou indirectamente relacionada coas consecuencias xurídicas da dixitalización do sector público e, en particular, da Administración tributaria.

As persoas que asistan a este evento recibirán un diploma acreditativo sempre que asistan ao 80% das sesións e participen nas actividades docentes ou talleres que se desenvolvan. O devandito evento terá un recoñecemento de créditos ECTS (pendente de aprobación pola Comisión de Extensión Universitaria).

A actividade (20 hs.) celebrarase de forma presencial en tres aulas dos tres campus da Universidade de Vigo. O profesorado impartirá presencialmente a docencia desde unha desas aulas con conexión síncrona en remoto para todas elas. Os interesados en asistir á actividade formativa poderán acudir a calquera das tres aulas dispoñibles:

– Aula 2.3 da Facultade de Dereito (Campus de Ourense).

– Salón de Graos da Facultade de Ciencias Xurídicas e do Traballo (Campus de Vigo).

– Aula 9 da Facultade de Dirección e Xestión Pública (Campus de Pontevedra).

Máis información:

• http://monnet.tributario.webs.uvigo.es
• Facebook: Jean Monnet Tributario Vigo
• Twitter: @monnetributario
• LinkedIn: modulo jean monnet tributario vigo
• Instagram: monnettributariovigo