Xornada “A protección do ordenamento tributario ás mulleres con capacidades diferentes”

A Área de Dereito Financeiro e Tributario da Universidade de Vigo, co patrocinio da Unidade de Igualdade, organiza unha xornada que ten como obxectivo analizar a intersección entre a fiscalidade e as mulleres con discapacidade ou en situación de dependencia. O evento, dirixido polas catedráticas Carmen Ruíz Hidalgo e Mónica Siota Álvarez, e coordinado polas profesoras Soraya Rodríguez Losada e Mónica García Freiría, inclúe a proxección da película Wildflower e unha mesa redonda con especialistas de varias universidades e institucións.

Durante a sesión abordaranse cuestións como os beneficios fiscais para a protección das mulleres con discapacidade e a fiscalidade do patrimonio protexido das persoas con discapacidade. A xornada rematará cunha rolda aberta de intervencións, favorecendo o diálogo entre as persoas asistentes e as relatoras.

Programa

• 15:30 h – Inauguración

  • Dña. Yolanda Rodríguez Castro (Directora da Unidade de Igualdade da Universidade de Vigo)

  • Profa. Dra. Carmen Ruíz Hidalgo (Catedrática de Dereito Financeiro e Tributario da Universidade de Vigo)

• 16:00 – 18:00 h – Proxección da película Wildflower

• 18:00 – 20:30 h – Intervencións

  • 18:00 – 18:30 h – Os beneficios fiscais para a protección das mulleres con discapacidade ou en situación de dependencia – Mónica García Freiría (Profesora axudante doutora de Dereito Financeiro e Tributario da Universidade de Vigo)

  • 18:30 – 19:00 h – A fiscalidade do patrimonio protexido das persoas con discapacidade – Jaime Aneiros Pereira (Profesor titular de Dereito Financeiro e Tributario da Universidade de Vigo)

  • 19:00 – 20:30 h – Mesa redonda: O Dereito Financeiro e as mulleres con discapacidade

    • María Teresa Mories Jiménez (Catedrática de Dereito Financeiro e Tributario da Universidad de Sevilla)

    • María del Mar Soto Moya (Profesora titular de Dereito Financeiro e Tributario da Universidad de Málaga)

    • Marta Mariño Regueiro (Directora xeral de Traballo Autónomo e Economía Social da Xunta de Galicia)

    • Carmen Ruiz Hidalgo (Catedrática de Dereito Financeiro e Tributario da Universidade de Vigo)

    • Modera: Profa. Dra. Ana María Pita Grandal (Catedrática de Dereito Financeiro e Tributario da Universidade de Vigo)

• 20:30 – 21:00 h – Rolda aberta de intervencións

Información para as persoas asistentes

As persoas que asistan ao evento recibirán un diploma acreditativo, sempre que teñan asistido polo menos ao 80% da sesión. A comprobación de asistencia realizarase ao comezo e ao final da xornada.

A xornada tamén é posible seguila por medios telemáticos.