Ciclo de cinema “Cine e xustiza”. Proxección do filme Joy

Dentro do ciclo de cinema “Cine e xustiza” e con motivo do Día Internacional do Traballo, 1º de maio, proxéctase o filme Joy. O Instituto Universitario de Investigación “Xustiza e Xénero” é quen organiza a xornada que terá lugar o día 30 de abril de 2026, de 10.00 a 15.00 horas no salón de graos da Facultade de Ciencias Xurídicas e do Traballo.

Esta xornada forma parte do ciclo de cinema “Cine e Xustiza” que terá lugar ao longo do ano 2026 e que dirixe Inés C. Iglesias Canle, directora do Instituto Universitario de Investigación “Xustiza e Xénero”.

O programa

10.00 h Inauguración

Prof.ª Dr.ª Inés Celia Iglesias Canle
Catedrática de Dereito Procesual da UVigo e Directora do Instituto Universitario de Investigación “Xustiza e xénero”

Prof.ª Dr.ª Mónica García Freiría
Profesora permanente laboral interina de Dereito Financeiro e tributario da UVigo e secretaria do IXEX

10.30-12.30 h Proxección da película: Joy

12.30-14.30 h Intervén:

Prof.ª Dr.ª Luz Ruibal Pereira
Catedrática de Dereito Financeiro e Tributario da Universidade de Santiago de Compostela

14.30-15.00 h Rolda aberta de intervencións

O filme

 Joy (2015) é un filme biográfico estadounidense de comedia-dramática dirixido por David O. Russell, e protagonizado por Jennifer Lawrence (Joy Mangano), Bradley Cooper (un executivo da Home Shopping Network), Robert De Niro (pai de Joy) e Édgar Ramírez (ex home de Joy).